У Брэсце невядомыя тэлефануюць сябрам ініцыятыўнай групы Дзмітрыя Уса
Падчас размовы яны запрашаюць людзей на сустрэчу, паведамляе каардынатар групы Уса па Брэсту Віктар Чайкоўскі.
Са словаў Чайкоўскага, тыя, хто тэлефануе, адмаўляюцца называць сябе. Нагадаем, што некалькі дзён таму Дзмітрый Ус накіраваў Вярхоўнаму камісару Еўрасаюза па знешняй палітыцы Кэтрын Эштан і ў кангрэс ЗША зварот з просьбай “прыняць неадкладныя меры эканамічнага і палітычнага ўздзеяння” на беларускія ўлады, а таксама дапамагчы рэпрэсаваным беларусам знайсці працу.
