У брытанскім парламенце алкаголь памяняюць на iPad
Парламент Вялікабрытаніі вырашыў абмежаваць абслугоўванне дэпутатаў алкагольнымі напоямі. Гэта робіцца, каб зменшыць злоўжыванне імі.
Адначасова кожны народны абраннік (а іх 650!) атрымае планшэтны камп'ютар iPad за кошт падаткаплацельшчыкаў. Кожны каштуе 399 фунтаў стэрлінгаў. Агулам на набыццё камп'ютараў спатрэбіцца каля 400 тысяч долараў.
Як адзначае РІА "Новости", мяркуецца, што гэтае новаўвядзенне дапаможа дэпутатам больш эфектыўна выкарыстоўваць працоўны час і аператыўна атрымліваць доступ да інфармацыі.
