У Мінску перакулілася фура з 19 тонамі мяса (фота)
Незвычайная аўтааварыя адбылася ўвечары ў сераду на Лагойскім тракце.
На з'ездзе з кальцавой дарогі перакулілася фура, якая перавозіла мяса з Ліды ў Санкт-Пецярбург, перадае interfax.by.
Каб падняць аўтамабіль з 19 тонамі прадукта назад на колы, спатрэбілася дапамога выратавальнікаў. Пры гэтым быў выкарыстаны ўнікальны статонны пад'ёмны кран.
Паводле папярэдніх звестак, у выніку ДТЗ ахвяраў няма. Прычына аварыі высвятляецца.
