У Польшчы арыштавалі беларусаў, якія пераблыталі Нямеччыну з Італіяй (фота)
На польска-беларускім памежным пераходзе Кузніца польскія памежнікі затрымалі двух беларусаў на скрадзеным BMW X6.
Кошт аўтамабіля складае каля 200 тысяч злотых (больш 60 тысяч долараў). Аб гэтым паведамляе Падляскі аддзел памежнай службы.
На аўта былі нямецкія рэгістрацыйныя нумары. Калі ж беларусаў папрасілі прадставіць дакументы на BMW, яны паказалі дакументы з… рэгістрацыяй аўтамабіля ў Італіі.
Мужчын разам з BMW перадалі ў рукі паліцыі.
