У цэнтры Смаргоні прапануюць паставіць "лаўку Напалеона" (фота)
Зрабілі яе скульптар Валеры Калясінскі з архітэктарамі Бажыдаем і Бурым.
На іх задуму, гэта будзе лаўка, на якой імператар Францыі прыняў рашэнне пакінуць сваю, некалі непераможную армію. Як адзначае "Рэгіянальная газета", аўтары імкнуліся нейтральным чынам адзначыць прысутнасць Напалеона ў Смаргоні. На лаўцы не будзе партрэта Напалеона, толькі вензель, кавалак карты з надпісам: “Смаргонь”, славуты трохкутны капялюш імператара.
Найлепшае месца для лаўкі, на думку Валерыя Калясінскага, — каля фантана паблізу былога кальвінскага збору (цяпер гэта касцёл Святога Міхала.
Нагадаем, што сёлета спаўняецца 200 гадоў з часу паразы Напалеонаўскага войска. Для Беларусі гэта быў складаны час грамадзянскай вайны, бо частка шляхты выступіла на баку Напалеона, другая ж частка падтрымала расійскага імператара.
Фота — "Рэгіянальная газета"
