У ЗША паказалі фрагмент папіруса са згадкай "жонкі Хрыста" (фота)
У старажытным копцкім рукапісе згадваюцца, нібыта, словы Ісуса Хрыста "мая жонка". Таксама там ідзе гаворка пра жанчыну-апостала.
Фрагмент папіруса прадставіла прафесар школы тэалогіі Гарвардскага універсітэта Кэрын Кінг (на здымку). У перакладзе найбольш важных урыўкаў сказана: "Ісус сказаў ім: мая жонка" і "Яна будзе здольная стаць маім вучнем".
Паходжанне сенсацыйнага фрагмента і імя яго ўласніка не разгалошваецца. Эксперты схіляюцца да таго, што дакумент сапраўдны, піша газета New York Times. Выданне адзначае, што яго абнародванне можа зноў распаліць дэбаты ў пытанні, ці быў Ісус Хрыстос жанаты і ці была яго жонкай Марыя Магдаліна.
Фота — nytimes.com
