Уначы перад памежным пераходам "Казловічы" сабраліся сотні фураў (фота)
Траса М1 была цалкам застаўленая цяжкавагавымі грузавікамі па крайняй правай паласе ад мяжы да адгалінавання шашы на Камянец.
Вось што пра сітуацыю на беларуска-польскай мяжы распавёў Еўрарадыё дальнабойшчык з Магілёва:
"Кіламетры 4-5 будзе. Чарга за кола ўжо там заходзіць. Не прапускаюць. Павольна працуюць мытнікі. Летась, калі сюдой назад ехаў, стаяў з таго боку двое з паловай сутак. Сёлета — двое. У дзень літраў 15 спаліць можна саляркі. Калі глушыць матор пасля праездкі, тады менш. Магчыма, паб’ю асабісты рэкорд чакання".
На сайце памежнага пункта перасячэння "Казловічы" ўначы ў чарзе на выезд значылася 200 аўтацягнікоў, раніцай на сайце Дзяржпамежкамітэта — 250.
