Ватыкан скапіяваў біяграфіі кардыналаў з Вікіпедыі

Аказалася, што кароткія біяграфіі 22 новых кардыналаў, разасланыя журналістам, былі скапіяваныя з Вікіпедыі, паведамляе ВВС. Біяграфічныя даведкі аб новых кардыналах амаль даслоўна паўтаралі артыкулы аб гэтых людзях, раней апублікаваныя ў італьянскай версіі адкрытай энцыклапедыі.

Аб некаторых новых кардыналах лаканічна гаварылася, што яны з'яўляюцца каталікамі. Гэта ўжо само па сабе выглядала дзіўна, улічваючы, што гаворка ішла аб вышэйшых духоўных асобах Рымска-каталіцкай царквы. Прадстаўнікі Ватыкана кажуць, што проста спрабавалі дапамагчы журналістам і папярэджвалі, што рассыланыя даведкі не з'яўляюцца афіцыйнай інфармацыяй.