З беларускай арганізацыі "Русь" выключылі тых, хто падтрымаў Пуціна?
Паштовае паведамленне пра сваё выключэнне з грамадскага аб'яднання "Русь" атрымалі тры сябры праўлення — Сяргей Шыптэнка, Юры Баранчык і Ігар Зелянкоўскі.
Як паведамляе ІА REGNUM, кіраўніцтва "Русі" вырашыла, што іх дзеянні супярэчаць статуту арганізацыі, беларускаму заканадаўству. Таксама іх дзеянні нібыта накіраваныя на дыскрэдытацыю кіраўніцтва "Русі" і арганізацыі ў цэлым.
Нагадаем, што менавіта Шыптэнка, Баранчык і Зелянкоўскі ад імя беларускіх структураў далучыліся да пуцінскага Агульнарасійскага народнага фронту.
