За 5 дзён беларусы пералічылі сем’ям загінулых хакеістаў амаль 53 мільёны
Амаль уся гэтая сума паступіла на дабрачынны рахунак у першы ж дзень збора сродкаў
Амаль 53 мільёны рублёў пералічылі беларусы сем’ям загінулых хакеістаў яраслаўскага “Лакаматыва”. Збор сродкаў Федэрацыя хакея Беларусі распачала 8 верасня, на наступны дзень пасля авіякатастрофы Як-42.
“Усяго на рахунку на дадзены момант каля 53 мільёнаў рублёў, большая частка з іх была пералічана ў першы ж дзень – амаль 50 мільёнаў рублёў”, — распавяла Еўрарадыё прэс-сакратар Федэрацыі хакея Беларусі Канстанцыя Лешчанка.
Сярод іншых, грошы на рахунак пералічылі 2 банкі і хакейныя клубы “Металург-Жлобін”, “Магілёў” ды “Шахцёр”.
Фота: yaroslavl.ucoz.com
