Збіраць хімікаты з беларускага цягніка ў Латвіі будуць некалькі тыдняў
Менавіта столькі зойме ліквідацыя наступстваў чыгуначнай аварыі.
Нагадаем, што таварны цягнік з Беларусі, які перавозіў хімічныя рэчывы, у ноч на 9 студзеня сышоў з рэек і перакуліўся непадалёк ад Даўгаўпілса. У выніку адбылася ўцечка хімікатаў. У глебу трапіла 360 тон мінеральнай змазкі і тэхнічнага растваральніка. З рэек сышлі 17 вагонаў-цыстэрнаў.
Ратавальнікі збудавалі вакол месца ўцечкі ахоўны вал. Агульная
плошча забруджвання складае 4 тысячы квадратных метраў. На месцы здарэння
працуюць ратавальнікі, паліцыя і прадстаўнікі Даўгаўпілскай краёвай думы. На месца таксама выехаў адмысловы ратавальны
цягнік Беларускай чыгункі, паведамляе БелаПАН.
