Злодзеі цалкам "абчысцілі" хату вядомага беларускага літаратара
Здарэнне адбылося ў вёсцы Вецявічы Слонімскага раёна. Там да нядаўняга часу жыў доктар філалагічных навук, перакладчык і літаратар Мікола Арочка.
Аднак сёлета ён цяжка захварэў і вярнуўся ў Мінск.
Як паведамляе сайт gs.by, рабаўнікі праз акно залезлі ў дом і адтуль праз дзверы вынеслі два халадзільнікі, пыласос, сокавыціскалку, газавыя балоны, пішучую машынку і іншыя рэчы. Хату 82-гадовага Міколы Арочкі злодзеі "абчысцілі" цалкам.
Яны раскідалі ўсю бібліятэку, бруднымі нагамі тапталі кнігі, але іх не ўзялі.
Фота — gs.by
