Сашурын ужо не галоўны трэнер зборнай Беларусі па лыжных гонках

Вадзім Сашурын вырашыў пакінуць пасаду галоўнага трэнера нацыянальнай каманды па лыжных гонках. 37-гадовы трохразовы чэмпіён свету па біятлону працаваў са зборнай толькі год. Аднак якраз за гэты час нашая нацыянальная каманда дасягнула свайго найвышэйшага поспеху на чэмпіянатах свету — Леанід Карняенка выйграў срэбра 15-кіламетровай гонкі.

У Беларускай федэрацыі лыжных гонак прычынай сыходу Сашурына назвалі яго незадаволенасць заробкам, а таксама жаданне больш увагі і часу ўдзяляць сям’і. Называюцца таксама і нейкія «працоўныя моманты», напрыклад, «негатоўнасць да кансалідацыі высілкаў у падрыхтоўцы спартоўцаў», «неразуменне з боку астатніх трэнераў».

Новая кандыдатура галоўнага трэнера пакуль не разглядаецца.

Прессбол