Шувалаў: Эканамічны суд СНД да 2012 года не вынесе вердыкт па пазове Беларусі
Суд па пазове Беларусі да Расіі наконт экспартнага мыта на нафтапрадукты будзе доўгім. Такую заяву зрабіў першы віцэ-прэм'ер Расіі Ігар Шувалаў 26 сакавіка ў інтэрв'ю тэлеканалу "Расія-24". На думку Шувалава, Эканамічны суд СНД не паспее прыняць рашэнне па гэтым пазове да таго, як будзе сфармавана Адзіная эканамічная прастора. Як нагадвае "Ежедневник", утварэнне АЭП у рамках Мытнага саюза Беларусі, Казахстана і Расіі запланаванае на 1 студзеня 2012 года.
