Сусветны банк знізіў прагноз для беларускай эканомікі на 2026 год
Эканамісты прагназуюць невялікі рост ВУП Беларусі, ілюстрацыйнае фота
У 2026 годзе ВУП Беларусі вырасце толькі на 1,1%. Такі эканамічны прагноз абнародавалі аналітыкі Сусветнага банка. У параўнанні з папярэднім прагнозам паказчык знізіўся на 0,2%.
Падобныя ж прагнозы робяць і эксперты Еўрапейскага банка развіцця і рэканструкцыі, адзначае DW. Аналітыкі ЕБРР мяркуюць, што ў Беларусі сёлета "эканамічны рост застаецца млявым" і дасягне 1,1%. Гэта звязваюць з уплывам эканамічных санкцый і залежнасцю Беларусі ад расійскай эканомікі.
Тым часам у эканамічных прагнозах афіцыйнага Мінска сёлета запланаваны рост ВУП на 2,8%. Дарэчы, летась рост ВУП склаў усяго толькі 1,3%.
