Сёння 9-я ўгодкі знікнення журналіста Змітра Завадскага

9-я ўгодкі знікнення аператара тэлеканала ОРТ Змітра Завадскага прыпадаюць на 7 ліпеня. Нагадаем, ён знік пры невысветленых абставінах па дарозе ў аэрапорт "Мінск-2". Ад таго часу пра лёс журналіста нічога невядома.
"Хартыя-97" адзначае, што выкраданне Змітра Завадскага афіцыйна лічыцца нераскрытым. Вінаватымі ў ім былі прызнаныя чацвёра чалавек, у тым ліку двое афіцэраў спецпадраздзялення МУС "Алмаз". Аднак цела журналіста следствам не было знойдзена.