Сёння Еўрапарламент прагаласуе па рэзалюцыі аб сітуацыі ў Беларусі

Сёння Еўрапарламент у рамках чарговай сесіі ў Страсбургу прагаласуе па рэзалюцыі аб сітуацыі ў Беларусі. Як паведамляе БелаПАН са спасылкай на прэс-службу Еўрапарламента, будуць заслуханыя выступленні прадстаўнікоў Еўракамісіі і Савета ЕС аб пазіцыях гэтых структур адносна развіцця адносін з Беларуссю. Еўрадэпутаты абмяркуюць палітыку ЕС у дачыненні да Беларусі і сітуацыю ў краіне.

На разгляд унесена пяць праектаў рэзалюцыі. Дэпутаты заклікаюць паставіць развіццё дыялогу з Беларуссю ў залежнасць ад дэмакратычных рэформаў у краіне.

Прапаноўваецца палегчыць візавы рэжым, адзначаецца важнасць удзелу еўрапейскіх кампаній у прыватызацыйных працэсах і занепакоенасць планамі будаўніцтва на мяжы з ЕС "АЭС па расійскай мадэлі чарнобыльскай станцыі".