Сёння у Вільні пройдзе міжнародная канферэнцыя па пытаннях будаўніцтва АЭС

Сёння у Вільні пройдзе міжнародная канферэнцыя па пытаннях будаўніцтва атамных электрастанцый у Беларусі і Літве. У канферэнцыі "Літва і Беларусь: рызыкі і перспектывы будаўніцтва АЭС" прымуць удзел навукоўцы-энергетыкі, актывісты экалагічных арганізацый, эканамісты і аналітыкі.
  У час канферэнцыі плануецца абмеркаванне палітыка-эканамічных рэалій у рэгіёне, разгляд вынікаў зачынення Ігналінскай АЭС у Літве, тэндэнцыі развіцця сусветнай энергетыкі, эканамічная ацэнка будаўніцтва атамных аб'ектаў у Літве і Беларусі, а таксама пытанні звязаныя з рызыкамі будаўніцтва АЭС.
 
У Вільні ўжо амаль два месяца праводзяцца розныя мерапрыемствы, мэта якіх - прыцягнуць увагу грамадскасці да праблемы атамнай энергетыкі, паведамляе StudAlliance.