У браслаўскіх лясах злавілі нелегалаў з Украіны і Малдовы

Сем нелегалаў злавілі за два дня беларускія пагранічнікі ў Браслаўскім раёне каля мяжы з Латвіяй.   Спачатку былі затрыманыя двое ўкраінцаў, якія прабіраліся лясамі з Латвіі на радзіму. Пасля пагранічнікі знайшлі ў лесе пакінуты аўтамабіль. З дапамогай службовага сабакі ўдалося натрапіць на след пяцёх грамадзян Малдовы, якія рухаліся да беларуска-латвійскай мяжы.

Іх затрымалі ў вёсцы Лукшы на Браслаўшчыне. Затрыманыя прызналіся, што канчатковай мэтай іх падарожжа мусілі стаць краіны Еўрасаюза, дзе яны збіраліся знайсці працу.

Інтэрфакс