У Брэсце апазіцыянеры выклікалі на сустрэчу дэпутатаў Палаты прадстаўнікоў

Брэсцкія апазіцыянеры прапанавалі сустрэчу тром дэпутатам Палаты прадстаўнікоў, абраным ад абласнога цэнтру. Адпаведныя лісты былі накіраваныя Алегу Вялічку, Святлане Гіль і Валянціне Качан. Дэпутатам прапануецца “абмеркаваць актуальныя пытанні грамадска-палітычнага і сацыяльна-эканамічнага жыцця” Беларусі і Брэста. Сустрэчу мяркуецца правесці 26 верасня ў рэдакцыі недзяржаўнай газеты “Брэсцкі кур’ер”.

Актывісты ўжо падрыхтавалі шэраг пытанняў, якія датычаць умоваў дзейнасці палітычных партый, фактаў звальнення людзей з працы па палітычных матывах, сітуацыі са СМІ, адмены сацыяльных льгот.

БелаПАН