У Глыбокім усталявалі скульптуру барона Мюнхаўзена (фота)
Яна знаходзіцца каля гарадскіх могілак.
Менавіта на гэтых могілках ёсць магіла Мюнхаўзена. Праўда, у ёй знаходзіцца не Карл Фрыдрыха Гераніма, а нейкі Фердынанд фон Мюнхаўзен разам з жонкай Вільгельмінай.
Тым не менш, яна карыстаецца вельмі вялікай папулярнасцю ў турыстаў, што наведваюць Глыбокае.
Глыбоцкія камунальнікі нават крыж на магіле пафарбавалі жоўтай фарбай, таму зараз яе лёгка знайсці. Акрамя таго, глыбоцкія ўлады маюць намер стварыць музейную экспазіцыю, прысвечаную знакамітаму барону.
Фота Еўрарадыё
