У Гродне памежнікі затрымлівалі беларускіх студэнтаў, якія ехалі з Польшчы

Учора вечарам пагранічнікі затрымлівалі ў Гродне двух беларускіх студэнтаў, якія вярталіся з Польшчы, дзе навучаюцца па праграме Каліноўскага.  У Сцяпана Свідзерскага і Аляксея Трубкіна забралі пашпарты і каля двух гадзінаў трымалі ў тэрмінале гродзенскага вакзала. Пасля праверкі дакументаў і агляду асабістых рэчаў студэнтаў адпусцілі, прычыны затрымання так і не былі патлумачаныя.

Сцяпан Свідэрскі звязвае здарэнне з "Еўрапейскім маршам", які ў нядзелю пройдзе ў Мінску, а таксама з пільнай увагай праваахоўных органаў да беларускіх студэнтаў, якія навучаюцца ў Польшчы.  

БелаПАН