У Маскве асуджаныя забойцы беларускага банкіра Ліснічука

Забойцы беларускага банкіра Аляксандра Ліснічука асуджаныя Маскоўскім гарадскім судом у панядзелак. Нагадаем, старшыня савета дырэктараў “Белбізнэсбанка” быў застрэлены кілерам у Мінску ў 1993 годзе. Доўгі час забойства не ўдавалася раскрыць. Толькі ў 2004 годзе высветлілася, што Аляксандра Ліснічука забіла банда кілераў, якая атрымала назву “кінгісепская”.

У Маскоўскім гарадскім судзе была даказаная віна 7 кілераў у забойстве шэрагу бізнэсоўцаў, а сярод іх і беларуса. Яны былі асуджаныя на тэрміны ад 6 да 19 гадоў пазбаўлення волі, паведамляе газета "Московский комсомолец".