У Маскве праходзіць акцыя салідарнасці з беларускімі палітвязнямі

Акцыя салідарнасці з ахвярамі палітычных рэпрэсій у Беларусі праходзіць каля будынка амбасады нашай краіны ў Маскве. Яе арганізавала беларускае зямляцтва і расійскі рух “Абарона”. Вось што сказаў у інтэрв’ю радыёстанцыі “Эхо Москвы” пра мэты акцыі адзін з яе ўдзельнікаў Алесь Чайчыц:

“Мы патрабуем ад беларускіх уладаў паўнавартаснага празрыстага расследавання па фактах знікнення і гібелі людзей, спынення рэпрэсій у адносінах апазіцыйных дзеячоў, незалежных журналістаў.

Праводзячы гэтую акцыю ў Маскве, мы заклікаем кіраўніцтва Расійскай Федэрацыі далучыцца да патрабаванняў сусветнай супольнасці адносна дэмакратыі і правоў чалавека ў Беларусі”.

У акцыі прымае ўдзел каля 10 чалавек.