У мінскіх крамах з’явіліся фальшывыя святлоадбівальныя элементы

У цэнтральных крамах беларускай сталіцы пад выглядам сапраўдных з’явіліся фальшывыя святлоадбівальныя элементы.  Пра гэта заявіла Дзяржаўтаінспекцыя. Фальшыўкі былі выяўленыя ў мінскіх ЦУМе і ГУМе. ДАІ сцвярджае, што яны не выконваюць заяўленую функцыю, бо толькі крыху свецяцца ў цемры.

Зараз Дзяржаўтаінспекцыя спадзяецца на дапамогу Камітэту дзяржаўнага кантролю ў справе выяўлення “незразумелых фірмаў”, якія займаюцца вытворчасцю фальшывак і іх рэалізацыяй.

Інтэрфакс