У Мінску шукаюць збеглую з лякарні пацыентку, хворую на шызафрэнію
7 ліпеня яна ўцякла з Навагрудская лякарні, 8-га яе бачылі ў сталіцы.
Пошукава-выратавальны атрад "Анёл" шукае 31-гадовую Вольгу Марцуль. Раніцай 7 ліпеня яна збегла з Навагрудскай цэнтральнай раённай лякарні і дагэтуль не вярнулася. Як паведамляе агенцтва "Мінск-Навіны", жанчына пакутуе на шызафрэнію.
Па звестках атрада "Анёл", 8 ліпеня жанчыну бачылі на АЗС №15 "Беларуснафты" на вуліцы Чыгуначнай у Мінску.
Прыкметы: на выгляд 30 гадоў, рост 175 см, хударлявая, вочы цёмныя, валасы рудыя сярэдняй даўжыні.
Жанчына была апранутая ў светла-сінія джынсы з белым поясам, шэрую кофту з кароткім рукавом, белыя красоўкі.
Усіх, хто мае інфармацыю пра зніклую жанчыну ці яе месцазнаходжанне, просяць паведаміць па тэлефонах: 8 (033) 666-68-56, 8 (033) 666-60-33 (пошукава-выратавальны атрад "Анёл") або ў міліцыю па тэлефоне 102.
