У Навагрудскім раёне злавілі пенсіянераў-"дыверсантаў"
Два жыхары Бярозаўкі (Лідскі раён) за тыдзень выкапалі ў суседнім раёне амаль 350 метраў меднага кабеля.
У выніку, без сувязі застаўся лячэбна-працоўны прафілакторый. Пошукам зламыснікаў заняліся міліцыянеры. Яны вылічылі "дыверсантаў" і затрымалі.
Пенсіянеры патлумачылі свой учынак сваім цяжкім матэрыяльным становішчам. У іх адносінах распачалі крымінальную справу. Кошт медзі, выкапанай зламыснікамі, ацанілі ў 11,5 млн рублёў, паведамляе БелаПАН.
Фота — Fotolia
