У Парыжы пад цяжарам замкоў, якія пакінулі турысты, абрынуўся мост (фота)
На шчасце, ніхто не пацярпеў — металічныя краты, на якіх віселі замкі, зваліліся на мост, а не ў раку, дзе знаходзілася лодка.
Як адзначае брытанская газета Daily Mail, сярод турыстаў, якія прыязджаюць у Парыж, мост Мастацтваў карыстаўся папулярнасцю. Многія пакідалі на ім металічныя замкі са сваім імем. У выніку там іх сабралося шмат тысяч, і мост не вытрымаў.
Дарэчы, мост быў пабудаваны 210 гадоў таму, яго рэканструявалі ў канцы ХХ стагоддзя. Магчыма, пасля здарэння ўлады Парыжа забароняць турыстам вешаць на помнікі замкі.
Фота — dailymail.co.uk
