У Пінску пачаўся суд над вычварэнцам, які дзейнічаў пад выглядам урача

Суд над 40-гадовым вычварэнцам пачаўся ў Пінску. Ён дзейнічаў пад выглядам урача. У адсутнасць дарослых вычварэнец заходзіў у кватэры і праводзіў “медагляд” з дзецьмі.  Бацькі спачатку не давалі веры сваім дзецям пра такія выпадкі. Аднак, некаторыя ўсё ж аднеслі заявы ў міліцыю. У хуткім часе адна з ахвяраў пазнала вычварэнца ў прадуктовай краме і міліцыянты яго затрымалі.

Як высветлілася, гэта быў даволі вядомы ў горадзе чалавек, які працаваў ва ўстанове культуры. Раней ён ужо быў асуджаны за падобныя дзеянні. Праведзеная экспертыза не знайшла ніякіх псіхічных адхіленняў у злачынцы і яго чакае да 5 гадоў турмы.