У Пружанах пад жалезным сцягам прайшоў парад сельгастэхнікі (фота)

Парад беларускай сельгастэхнікі па відовішчнасці і асвятленні не саступае карнавалам
Два разы на год выстава беларускай сельгастэхнікі праводзіцца ў Брэсцкай вобласці. Падчас яе па вуліцах мястэчка праходзіць сапраўдны парад трактароў, касілак, скірдавальнікаў, сеялак, веялак, плугоў і іншай сельгастэхнікі.

Сёлета выстаўленая прадукцыя Брэсцкага электрамеханічнага завода, Ляхавіцкага, Лунінецкага, Драгічынскага рэмонтна-механічных заводаў,  мінскага “Амкадора”.  Выстаўка скіраваная на тое, каб сяляне ахвотней куплялі тэхніку.

Адзін з арганізатараў выставы сказаў Еўрарадыё: Канечне ж, выстава ў капеечку ўлятае. Але гаспадаркі могуць адсюль адразу забраць тэхніку па лізінгу. Ну, і наглядней.

На выставу з ваколічных школаў групамі звозяць дзяцей.

Здымкі Паўла Грыня.



Парад сельгастэхнікі па відовішчнасці і асвятленні не саступае карнавалам



 Выставе прыглядаліся рэдкія мінакі...



і пружанскі Ленін, больш падобны на Коласа.



А плугі патрыёты пафарбавалі ў чырвона-зялёныя колеры.