У п'янага мужчыны скралі тэлевізар у той момант, калі ён яго глядзеў
Незвычайная крымінальная гісторыя здарылася днямі ў Ваўкавыску.
На вачах у нецвярозага гаспадара кватэры трое невядомых забралі тэлевізар "Самсунг", па якім ён глядзеў тэлеперадачу. Пазней мужчына не змог міліцыянерам дакладна сказаць не тое што час, а нават і дзень, калі гэта здарылася.
Як інфармуе БелаПАН, аператыўнікі высвятляюць асобы падазраваных. Дарэчы, гаспадар тэлевізара нядаўна атрымаў у спадчыну ад памерлай маці больш за 20 тысяч долараў. За месяц мужчына прапіў палову з гэтай сумы.
Фота — Fotolia
