Урад плануе выплачваць маці за нараджэнне другога дзіцяці 10 млн рублёў

Беларускі ўрад плануе з наступнага года выплачваць маці за нараджэнне другога і наступных дзяцей па 10 млн рублёў. Гэтая сума закладзеная ў праекце прагнозу сацыяльна-эканамічнага развіцця Беларусі на 2009 год. Праўда, яна яшчэ можа карэктавацца і невядома, колькі грошай атрымаюць маці, і ці атрымаюць увогуле.

Таксама плануецца павялічыць дапамогу па дагляду за дзіцём ва ўзросце да 3 гадоў да бюджэту пражытачнага мінімуму (цяпер гэта амаль 225 тыс рублёў), паведамляе сайт kp.by.