Вікторыя Азаранка апусцілася на дзве пазіцыі ў рэйтынгу WTA

Па стане на 5 красавіка беларуская тэнісістка займае 9-ю пазіцыю. Да гэтага яна займала сёмае месца. Як адзначае "Прессбол", на першым месцы амерыканка Сэрэна Ўільямс, на другім - датчанка Каралін Вазняцкі, на трэцім - расіянка Дзінара Сафіна.

У чэмпіёнскай гонцы WTA Вікторыя Азаранка займае 4-е месца. Перад ёй тройку лідэраў складае амерыканкі Вінус і Сэрэна Ўільямс, а таксама бельгійка Жусцін Энэн.