За кошт бюджэту зробяць кітайскія прышчэпкі, еўрапейскія ж - за грошы

Платная вакцынацыя супраць грыпу пачалася ў Мінску, паведамляе БЕЛТА. Платную прышчэпку можна зрабіць у паліклініках горада, гарадскім цэнтры вакцынапрафілактыкі, некаторых медыка-санітарных частках і медцэнтрах. За грошы медыкі выкарыстоўваюць французскія вакцыны "Ваксігрыпп", расійскія "Грыппол Плюс"  і нямецкія "Флюарыкс" коштам 25-60 тысяч рублёў. Па адзнаках медыкаў, платную вакцынацыю сёлета ў Мінску пройдуць каля 160 тысяч чалавек.

За сродкі бюджэту  ў Мінску запланавана вакцынаваць 210 тысяч чалавек. Для бясплатнай імунізацыі будзе ўжывацца кітайская вакцына "Флюваксін".

Па прагнозах спецыялістаў, эпідэмія грыпу пачнецца ў Мінску ў традыцыйныя тэрміны - у студзені-лютым.