За мінулы год міліцыя канфіскавала 400 кг наркотыкаў
Летась міліцыянты перакрылі 49 каналаў паставак наркотыкаў з-за мяжы ў Беларусь. Пры гэтым было канфіскавана каля 400 кілаграм наркатычных сродкаў.
Пра гэта 4 сакавіка паведаміў начальнік ўпраўлення па наркакантролі МУС Аляксандр Гаўрылаў.
Гаўрылаў: "У сферы наркакантролю было выяўлена больш за 4500 злачынстваў. Усталявана 2900 асобаў, датычных да гандлю наркотыкамі. У рэспубліцы выяўлена 123 наркапрытоны. Палова з іх была выяўлена на тэрыторыі Мінску. Агулам летась з незаконнага абарачэня органамі ўнутраных спраў было канфіскавана каля 400 кілаграм наркатычных сродкаў".
