Замест "кактэйлю Молатава" — "бандэраўскае смузі": доктар Камароўскі пра вайну
Доктар Яўген Камароўскі/ focus.ua
Знакаміты педыятр і тэлевядучы доктар Яўген Камароўскі кожны дзень выходзіць на сувязь з падпісчыкамі з роднага Харкава — ён не пакінуў Украіну нягледзячы на тое, што гарады бамбяць расійскія войскі. Сёння ён распавёў, як выглядала раніца чацвёртага дня вайны:
"Ведаеце, як пачынаецца раніца ва Украіне? З таго, што мы абтэлефаноўваем усіх, каго не бачылі ноччу. З кім сувязі не было паміж бамбасховішчамі, лясамі, сутарэннямі. Пытаемся, жывыя, не? Калі доўга не бяруць трубку — б'емся ў істэрыцы. Толькі што супакойваў нявестку — яна размаўляла па тэлефоне са сваім родным дзедам з Бранска, ён расказваў, што трэба яшчэ крыху пацярпець, і нас "давызваляць"".
Доктар Камароўскі таксама распавёў, што "ў Харкаве гараць "тыгры" — машынкі такія, [на якіх] вызваліцелі рускай арміі прыехалі, яны гараць класна". А ўкраінцы, замест "кактэйлю Молатава" прыдумалі свой варыянт — "бандэраўскае смузі".
