Зборная Штанге пачынае з Украіны, а заканчвае Англіяй (каляндар гульняў)

Матчам з камандай Украіны стартуе ў адборачным турніры чэмпіянату свету 2010 года зборная Беларусі па футболе. Гэта стала вядома пасля таго, як учора ў сталіцы Харватыі быў узгоднены каляндар матчаў у 6-й адборачнай групе. З украінцамі беларусы згуляюць 6 верасня 2008 года ў гасцях, а завершаць адборачныя матчы 14 кастрычніка 2009 года таксама на выедзе гульнёй з англічанамі.

Нагадаем, у нашай групе таксама зборныя Харватыі, Казахстана і Андоры. Наўпрост на чэмпіянат свету трапляе толькі пераможца групы, другая каманда будзе змагацца за іншую пуцёўку ў дадатковых матчах.

Каляндар гульняў у нашай групе выглядае так:

2008 год
20 жніўня. Казахстан – Андора
6 верасня. Андора – Англія, Харватыя – Казахстан, Украіна – Беларусь
10 верасня. Харватыя – Англія, Андора – Беларусь, Казахстан – Украіна
11 кастрычніка. Англія – Казахстан, Украіна – Харватыя
15 кастрычніка. Беларусь – Англія, Харватыя – Андора

2009 год
1 красавіка. Англія – Украіна, Андора – Харватыя, Казахстан – Беларусь
6 чэрвеня. Казахстан – Англія, Харватыя – Украіна, Беларусь – Андора
10 чэрвеня. Англія – Андора, Украіна – Казахстан
19 жніўня. Беларусь – Харватыя.
5 верасня. Украіна – Андора, Харватыя – Беларусь
9 верасня. Англія – Харватыя, Беларусь – Украіна, Андора – Казахстан
10 кастрычніка. Украіна – Англія, Беларусь – Казахстан
14 кастрычніка. Англія – Беларусь, Казахстан – Харватыя, Андора – Украіна.

БелаПАН