Мужчына падпаліў сябе на плошчы Леніна і пабег да будынка паліцыі
Уначы невядомы патэлефанаваў у аддзел паліцыі ў горадзе Прыазёрску Ленінградскай вобласці.
Ён паведаміў, што знаходзіцца каля будынка і папрасіў выйсці да яго паліцыянта. Калі ўчастковы выйшаў, мужчына падпаліў на сабе вопратку, аблітую гаручай вадкасцю, і пабег да будынка паліцыі.
Як інфармуе РІА "Новости", у тамбуры пастарунка супрацоўнікі паліцыі патушылі агонь. Мужчыну шпіталізавалі ў цяжкім стане — ён атрымаў моцныя апёкі. Паліцыя высвятляе прычыны ўчынку невядомага.
36-гадовы мужчына, які падпаліў сябе ля будынка паліцыі ў Прыазёрску, пакутуе псіхічнымі захворваннямі, паведамляе рэгіянальнае следчае ўпраўленне.
Фота — ria.ru
