Беларускія батуцісты заваявалі два медалі на этапе Кубка свету ў Бельгіі

Беларускія батуцісты заваявалі два медалі на этапе Кубка свету, які адбыўся ў бельгійскім Астэндэ.  Як паведамляе БЕЛТА, у скачках на батуце сярод мужчын Вячаслаў Модэль выйграў бронзу, Якаў Ракіцкі стаў 22-м.

У сінхронных скачках у жанчын беларускі дуэт Таццяны Леанюк і Ганны Гарчанок заваяваў срэбра.

У мужчынскіх сінхронных скачках Вячаслаў Модэль і Якаў Ракіцкі занялі 9-е месца.

У жаночых індывідуальных спаборніцтвах лепшай сярод беларусак стала Ганна Гарчанок (11-я пазіцыя). Таццяна Леанюк паказала 12-ы вынік.