Будаўніцтва офіса "Газпрама" ў Мінску пачнецца неўзабаве
Пра гэта заявіў генеральны дырэктар ААТ "Газпрам трансгаз Беларусь" Уладзімір Маёраў.
Паводле яго слоў, якія перадае БелаПАН, горадабудаўнічая канцэпцыя шматфункцыянальнага комплексу ўжо распрацаваная. Акрамя офіса кампаній групы "Газпрам", тут таксама размесцяцца офісныя памяшканні для здачы ў арэнду, гатэль, спартыўны, аздараўленчы, дзіцячы цэнтры, прадпрыемствы грамадскага харчавання, гандлю.
Нагадаем, што ў верасні 2013 года старшыня праўлення "Газпрама" Аляксей Мілер на сустрэчы з Аляксандрам Лукашэнкам прадставіў горадабудаўнічую канцэпцыю шматфункцыянальнага комплексу кампаній групы "Газпром" у Мінску. Комплекс размесціцца на месцы аўтавакзала "Маскоўскі".
Фота — mdom.biz
