ЦТ па грамадазнаўстве плануюць здаць больш за 11 тысяч абітурыентаў
Цэнтралізаванае тэставанне па грамадазнаўстве плануюць здаць больш за 11 тысяч абітурыентаў. Яно пачнецца ў чацвер а 11-й гадзіне. Як паведаміў БЕЛТА дырэктар Рэспубліканскага інстытута кантроля ведаў Мінадукацыі Мікалай Фяськоў, усе бланкі для ЦТ ужо даставілі ў месцы яго правядзення. Для гэтага была задзейнічана фельд'егерская служба.
За паўтары гадзіны хлопцы і дзяўчаты павінны будуць адказаць на 50 пытанняў тэста.
Як паведамляла Еўрарадыё, з ЦТ па рускай мове, якое прайшло 14 чэрвеня, выгналі 5 чалавек. Іх пакаралі за выкарыстанне мабільных тэлефонаў. А вось на цэнтралізаваным тэставанні па беларускай мове ніякіх парушэнняў не зафіксавалі.
