10:53 Belarus to complete satellite by 2009

Новы беларускі касмічны апарат дастанцыйнага зандзіравання Зямлі плануецца стварыць да канца 2009 года. Гэта будзе ўдасканалены аналаг спадарожніка “БелКА”. Пра гэта заявіў старшыня прэзідыюма Нацыянальнай акадэміі навук Беларусі Міхаіл Мясніковіч.

Паводле яго словаў, платформа, на якой размесціцца касмічны апарат, праўдападобна, будзе стварацца на базе расійскай фірмы. У якасці партнёраў беларускім бокам таксама разглядаюцца кітайскія спецыялісты. Аднак уся распрацоўка новага апарата цалкам будзе весціся беларускімі навукоўцамі.