Магутным ударам маланкі на пляжы забіла 3 чалавек, 22 атрымалі раненні
Здарэнне адбылося ў аргентынскім горадзе Вілья-Хесель, які месціцца на ўзбярэжжы Атлантычнага акіяну.
Як інфармуе ВВС, калі пачалася навальніца, на пляжы знаходзілася шмат людзей. Цэлая група схавалася пад адным з тэнтаў, у які і ўдарыла маланка. Сярод загінулых двое мужчын і жанчына. У параненых — апёкі, некалькі чалавек знаходзяцца ў коме. Відавочцы распавядаюць, што некалькі пацярпелых былі адкінутыя магутным ударам маланкі.
Фота — AFP, ria.ru
