Мінскага архітэктара Антона Новікава затрымалі па "справе анархістаў"?

У Мінску 27 кастрычніка праваахоўнікі затрымалі архітэктара Антона Новікава. Як паведамляе сайт "Вясна", маладога чалавека змясцілі на трое сутак за краты на Акрэсціна. Новікаў атрымаў позву на допыт у якасці сьведкі. Аднак допыт завяршыўся арыштам. Яго падазраюць у нападзе на банкамат сёлета ўвесну.

Раней Новікава неаднаразова выклікалі на допыты ў справе нападу на расійскую амбасаду ды іншых эпізодах, па якіх абвінавачваюць прадстаўнікоў анархісцкіх рухаў. Дарэчы, паведамляецца, што Новікаў не мае ніякага дачынення да анархісцкага руху, акрамя некаторых стасункаў з аматарамі музыкі.