На вуліцы Чырвонай у Мінску высеклі каштаны
Вуліца Чырвоная засталася без каштанаў / @fisher_yvr
У цэнтры Мінска на вуліцы Чырвонай высеклі каштаны.
Фатаздымак з "аголенай" вуліцай каля дома 7а па вуліцы Чырвонай выклаў у сацсетку Threads адзін з карыстальнікаў, заўважыў сайт blizko.by. На ім відаць, як на месцы ранейшых дрэваў утварыліся пустыя прасторы.
"Хутка ў цэнтры дрэваў зусім не застанецца", — канстатаваў аўтар допісу.
Многія каментатары падтрымалі яго: "Горад усё страшнейшы і страшнейшы".
Але знайшліся і тыя, каму спадабалася рашэнне гарадскіх уладаў:
"Там з паркоўкай зусім бяда, я вядома супраць высечкі, але там проста трэба".
"Каштаны прыбіраюць, яны ўсе хворыя па горадзе".
"Яны ўнутры зусім сухія, усё правільна робяць".
