Пад Мінскам стартаваў адкрыты Кубак СНД па верталётным спорце

Ён праходзіць на аэрадроме Баравая пад беларускай сталіцай. Спаборніцтвы ладзяцца на працягу двух дзён на базе Цэнтральнага аэраклуба ДТСААФ. Турнір такога ўзроўню ў Беларусі арганізаваны ў трэці раз, адзначае БелаПАН. У адкрытым Кубку СНД прымуць удзел 16 экіпажаў з Беларусі, Расіі, Нямеччыны і Вялікабрытаніі. Чакаецца выступ шасці беларускіх, сямі расійскіх, двух нямецкіх і аднаго англійскага экіпажаў.

Праграма спаборніцтваў складаецца з чатырох дысцыплін: палёт на дакладнасць на вышыні 2,5 м, развозка грузаў, верталётны слалам і навігацыя.