Пензенскія сектанты, якія застаюцца пад зямлёй, загаварылі

Сектанты, якія застаюцца ў падзямеллі ў Пензенскай вобласці Расіі, і давалі раней зарок маўчання, пачалі гаварыць з перамоўшчыкамі ад уладаў.  Аднак канкрэтных тэрмінаў выхаду на паверхню яны не называюць. Нагадаем, 35 чалавек, а сярод іх і беларусы, знаходзіліся ў зямлянцы з лістапада мінулага года.

Яны збіраліся дачакацца пад зямлёй "канца свету", прызначанага імі на травень бягучага года. Пасля таго як падзямелле пачало абвальвацца, большасць сектантаў групамі выйшлі на паверхню. Аднак 11 чалавек працягваюць знаходзіцца ў зямлянцы.

Дагэтуль афіцыйна не пацверджана, што ў падзямеллі памерла і была пахаваная адна грамадзянка Беларусі.

Інтэрфакс