Пінскія ўлады прыбіраюць снег з вуліц за кошт гарадскіх прадпрыемстваў
Моцныя завеі, якія абрынуліся на Пінск гэтай зімой, паказалі, што мясцовая ЖКГ не спраўляецца з аператыўнай ачысткай вуліц ад вялікіх аб’ёмаў снегу.
Каб выправіць сітуацыю, былі прыняты адміністратыўныя захады: за кожным пінскім прадпрыемствам і ўстановай замацавана зона адказнасці, якую неабходна чысціць ад снегу ў абавязковым парадку. Калі гэта не адбываецца, адказных работнікаў штрафуюць. Пакаранне атрымалі ўжо 12 чалавек.
У крытычных выпадках, на ўборку снега будуць прыцягваць гарадскіх беспрацоўных.
