Ад уладаў Кыргызстану патрабуюць выгнаць беларускую амбасаду
Такі зварот кыргызскае грамадскае аб'яднанне "Мекен шэйітэры" накіравала прэзідэнту, прэм'ер-міністру і спікеру парламента.
Старшыня аб'яднання Арстанбек Сагындыкаў нагадаў, што прадстаўнікі амбасады абяцалі кожныя тры дні паведамляць аб працэсе экстрадыцыі Жаныбека Бакіева і яго набліжаных. Аднак цяпер Беларусь канчаткова адмовіла Кыргызстану ў выдачы Бакіева. Таму грамадскае аб'яданне вырашыла афіцыйна звярнуцца да ўладаў, інфармуе БелаПАН.
У панядзелак, 10 верасня, грамадскія аб'яднанні "Мекен шэйітэры", "Айкол Ала-Тоа" і "Апрель байрагы" плануюць правесці чарговы мірны мітынг каля беларускай амбасады ў Кыргызстане.
Фота — prof-press.by
