Больш за 700 магілёўцаў падпісаліся за бясплатны праезд студэнтам
Подпісы адаслалі кіраўнікам гарвыканкаму і ў абласны Савет дэпутатаў.
Збор подпісаў зладзілі магілёўскія актывісты кампаніі “Гавары праўду!”. На іх думку, магілёўскія студэнты ў параўнанні з мінскімі пастаўленыя ў няроўныя ўмовы: адны плацяць за праезд у грамадскім транспарце поўны кошт, а другія ездзяць бясплатна.
Магілёўскі актывіст Аляксей Паўлоўскі кажа, што кампанія па зборы подпісаў у Магілёве будзе працягвацца. Актывісты плануюць раздаваць падпісныя лісты студэнтам розных навучальных установаў горада, каб яны далучаліся да грамадскай кампаніі.
Першая рэакцыя з дзяржаўных установаў на мясцовую ініцыятыву мусіць прыйсці цягам бліжэйшых двух тыдняў.
